1C_09: Ry mahantra keliko, tiako ny tonga mamonjy anao, tahaka ny fitiavanao mandeha mamonjy ny iray amin’ireo zafikelinao, mba handray azy eo an-tsandrinao, mba hamihina azy eo an-tratranao sy mba itenenao azy hoe : aza matahotra, tia anao i Dadabe/ Nenibe. Eo Aho ary miaro anao.

1D_14: Anaka, mandrosoa ao anatin’ny finoana madio, aza mitady hahatakatra izay hitondrako anao. Ho Anao, zavatra iray ihany no manandanja indrindra : ny fanaikenao hotantànana, ny fanaikenao ho fehezin’ny Fitiavako. Mivonona tsara mihaino ireo olona apetrako eny amin’ny làlanao eny sy mihaino ireo tolon-tsaina avy aty Amiko… Tena tiako ianao! Mirehi-pitiavana ho anao ny Foko.

1A_39: R’ilay Bitikako, te hikikiaka aminao ny Fitiavako Aho. Ekeo fa tiako ianao. Tsy fantatrao ny halehibeazany, ny aavony, ny sakany ary ny alalin’ny Fitiavako. Ny Fitiavako ny tsirairay aminareo Zanako eto an-tany dia tsy manam-petra. Mananaraka azy tsirairay Aho mba hilazako sy mba hatsapany ny Fitiavako.

1F_05: Anaka, omeo Ahy ny enta-mavesatrao, ho hitanao fa maivana ny jiogago. Raha mba fantatrao ny Fitiavako anao, dia ho tianao tahaka ny naharian’ny Ray anao ianao. Manandanja ianao eo imasoko… Te hiresaka amin’ny fonao Aho. Mihainoa Ahy mandrakariva. Mila anao Aho.

1B_15: R’ilay Bitikako, ny fiovan’ny fonao dia Asako fa tsy asanao. Ny ataonao dia ny mamerina Amiko ireo, ireo « ENY-NAO », sy ny iaikenao ny fahalemenao ary indrindra ny fahatokisanao ny maha-mahefa ny zavatra rehetra Ahy hatramin’izay antsipirihany indrindra amin’ny fiainanao. Tiako ny hitantana anao ho akaiky ny Foko mba handrakotra anao bebe kokoa ny Fitiavako. Manaike tiavina ianao. Tiako ianao!

1D_32: Anaka, tonga ny fotoana mba hipariahan’ny Fitiavana izay mameno ireo voafidy, eto ambonin’ny tany. Tsy maintsy ho levona ny ratsy. Ary satria fomba iray ihany no handroahana ireo herin’ny maizina : dia ny fisian’ny fahazavana, dia torak’izany koa tsy misy afatsy fomba iray ihany koa ny fandroahana ny ratsy dia ny fisian’ny Fitiavana.

1D_28: Anaka, isaky ny ao anatin’ny olana ianao, aza tonga dia mitady avy hatrany ireo vahaolana, fa miverena miditra ao anatinao, miverena amin’ny « tsy mahavita azy » anao, amin’ny fahakelezanao, dia hiasa ny Fitiavana, na amin’ny alalan’ireo olona manodidina anao, na amin’ny alalan’ny tolo-tsaina mazava omena anao. Ianao, tsy misy ataonao afa tsy ny misaotra ny Ray. Mianàra manaiky ho tantànin’ny Fitiavana. Tiako ianao.

3B_15: Anaka, ireo « ENY » atolotrao tsy misy fetrany dia mandrava ny fefy sy ny sakana hidiranao amin’ny seraseram-pitiavako. Manjavona koa ny fefy hafa rehefa manaiky ny fahalemenao, ny fahosanao sy ny fahakelezanao ianao. Ary ny fanekenao ny Fitiavako dia hampanjavona fefy hafa sy hatonga anao hitoeran’ny Fitiavako.

1C_15: Anaka, ny fahatongavanao Fitiavana dia mahatonga anao fitaovam-piadiana mahery vaika, zana-tsipika afaka mahatratra ireo tanjona izay heverinao tsy ho tratra ireny mihintsy aza, ao anatin’ny ady izay efa miatomboka ankehitriny. Ny tafika tarihin’ny Reniko Masina, ary an’isany ianao, dia tena matanjaka eo amin’ny tontolo tsy hita maso, satria otronin’ireo Olomasina Lahy sy Vavy any am-paradisa sy ireo Anjely Masina Izy.

1B_31: R’ilay Bitikako, mila fo maro manaiky ny ho tiaviko Aho. Ary rehefa tafiditra ao anatin’ny fo ny Fitiavako, dia hiova ny fony; hafanain’ny Fitiavako, satria mifandray amin’ny Foko ny fony, ary ny Foko dia mifandray tsy tapaka amin’ny Fon’ny Ray, Izy, ilay loharanon’ny Fitiavana.