1E_16: Anaka, raha mba fantatrao, ô ! raha mba fantatr’izao tontolo izao ny Fitiavana, ny Hafaliana sy ny Fiadanana izay miandry azy ireo, raha mitady ireo harena any An-danitra izy ! Dia hitodika any amin’ireo harena ireo ny atao rehetra fa tsy amin’ny harena eto an-tany, izay marivo no tsy maharitra. Ho sambatra ianao manomboka manandrana ny Fitiavana !

1B_31: R’ilay Bitikako, mila fo maro manaiky ny ho tiaviko Aho. Ary rehefa tafiditra ao anatin’ny fo ny Fitiavako, dia hiova ny fony; hafanain’ny Fitiavako, satria mifandray amin’ny Foko ny fony, ary ny Foko dia mifandray tsy tapaka amin’ny Fon’ny Ray, Izy, ilay loharanon’ny Fitiavana.

1A_17: R’ilay Bitikako, manontany tena ianao hoe : inona no tokony ho hatsarainao… Zavatra iray ihany no manan-danja : Ny hanananao fahatokisana Ahy bebekokoa amin’ny fiainanao, ny hamelanao Ahy bebekokoa hiasa, ny hanananao fahatokisana Ahy hatramin’ny madinika indrindra amin’ny fiainanao.

1F_21: Anaka, rehefa mibanjina ireo fijaliako, sy ireo fijalian ‘ny RENY-NAO any Andanitra ary ny an’ireo olomasina izay nialoha anao, dia hanovo hery izay ilainao ianao amin’ny alalan’izany, mba tsy ho rava ny « ENY-NAO ». Sambatra ianao izay afaka miara mijaly Amiko.

1B_03: R’ilay Bitikako, mankadiry ny Fitiavako ho anao ka tsy haiko ny handà anao. Na dia mbola tsy mangataka akory ianao dia efa henoko ny fanirian’ny fonao. Ataoko ho toy ny faniriako izany ary dia atolotro ny Raiko, Rainao no sady Raintsika ary Izy dia handray azy tsy ampisalasalàna ao amin’ny Fitiavany.

1E_29: Anaka, aza matahotra manatona miantsampy ety An-tsandriko. Isaky ny manao dingana iray manatona Ahy ianao, dia manao dingana folo Aho mba hihaona aminao. Tokana ihany ny faniriako : dia ny mba ho eo akaikaiky anao. Tiako ianao.

2A_23: Ry bitikako, mitoera amin’ny fanetre-tena tanteraka. Rehefa miha midina amin’ny fanetre-tena ianao, dia miha manantona Ahy ianao ary dia ho afaka handray ny Fitiavako. Rehefa miha ovain’ny Fitiavako ianao, dia miha feno fanomezam-pahasoavana (karisma).

1C_28: Anaka, isaky ny misy fiahiana ianao, aoka ianao ho maika hanome Ahy izany, toy izay hitady vahaolana. Manome toky anao Aho : ho lasa fiahiako ilay izy ary horavako aingana. Aoka ny fonao hitdika mandrakariva aty amiko mba hanandrana ny Fitiavako. Homeko anao ireo fahazavan-tsaina hahitanao ny vahaolana.

1B_14: Ry zanako malalako, maniry ny ahita anao iombona amin’ny Zanako, Jesoa, Aho, tahaka an’i Jesoa iray amiko ; dia hikoriana ao aminao ny Fitiavako. Raha miha mikoriana bebe kokoa ao aminao ny Fitiavako, dia vao maika ny Fisainanao ho tonga toy ny Fisainako, izany hoe tsiloviko tanteraka.

3A_14: Ry Bitikako, rehefa misy aingam-panahy ao anatinao manosika anao hanatona na hiantehatra amin’ny olona iray na olona maro, dia tsy amin’izy ireny no ametrahanao fitokisana fa amin’ny Fitiavan’ny Ray izay hanome tolo-tsaina azy ireo mba hitantana anao tsara. Notsinjarain’ny Ray ireo Fanomezany sy ireo fanomezam-pahasoavany (fahalalana sy fahendrena) amin’ny olona maro, ary ao anatin’ny planim-pitiavany dia tiany ny handalo amin’ny olona mba hatanteraka ny Planiny.